Urtero lez, gaur eguerdiko desfile oso arrakastatsuak amaiera eman die Deustuko inauteriei. Desfilean auzoetako inauteriekiko Udalaren utzikeria agerian gelditu da beste behin ere. Urtero bezala desfilea oso jendetsua izan arren, udaltzaingoa ez da agertu trafikoa mozteko. Bukaeran azaldu da Jai Batzordeari espedientea zabalduko diola iragartzeko.

 

Udal gobernuak gauza gutxi egiten du auzoetan egiten diren ekimen kulturalak babestu edota bultzatzeko. Aipatutakoa agerian gelditu da gaur goizean Deustun, beste behin ere. Laguntza ekonomikorik ez emateaz gain, oztopoak eta eragozpenak jarri izan ditu Bilboko inauterietako desfilea baino zaharragoa den Deustukoa behar den bezala ospatu ez izateko.

Baimen guztiak izan arren eta nahiz eta trafikoa mozteko Udaltzaingoaren presentzia eskatuta izan, polizia munizipala ez da agertu urtero ehunka lagunek parte hartzen duten desfilea hasteko orduan.

Desfilea behin hasita eta, antolatzaileek hainbat deia egin ondoren, agertu da Udaltzaingoa. Sari banaketa egin ostean, udaltzaingo bat Jai Batzordeko partaide batengana hurbildu da esanez espedientea zabalduko zutela.

Udalaren oztopoak, hala ere, apenas ez du izan eraginik eta ehunka lagun izan dira asteburu honetan inauterietan parte hartu dutenak. Gaur eguerdiko desfilea oso arrakastasua izan da. Sari nagusiak ondorengo taldeak irabazi dituzte: Galdakaotik etorritako militarrak, gorabide eta Matxingorri gazte konpartsa.

Done Petri plaza batzeko Deustuko Doneperiaga Familia Batuak Auzo Elkartea lantzen ari den aldarrikapenak lekua izan du gaur goizeko desfilean.

 

#BRANKA tik ateratako berria

Izena/Gaitzizena

e-posta

Web gunea

Titulua

Iruzkina

txikiago | haundiago

e-mail bidez jaso (erabiltzaileak bakarrik)

Irakurri eta onartu egin dut... Erabiltzeko baldintzak

Idatzi irudian agertzen diren letrak/zenbakiak

iruzkin berria