Bihartik aurrera izango da martxan ataria, eta "Euskal Herrian bestelako bizi eta herri ereduaren alde" ariko da. 

 

Ostegunean Gaztesarea.info-k ixtea erabaki zuen -Guardia Zibilak iaz egindako operazioak "normaltasunez aritzeko oztopoak" ekarri zizkiolako-, baina bihartik aurrera gazte mugimenduak atari digital berria izango du: Topatu.info .

"Gazteon topaleku izango den web orrialdea jaio da. Bertan izango dugu Euskal Herriko gazteok elkarren berri jakiteko parada, elkarrengandik ikasteko abagunea. Gure esperientziak trukatzeko gunea izateko helburuarekin jaio da. Gure arteko komunikazio zubiak eraikiko ditugu", dio Topatu.info-k gaur.

Duela gutxi Zestoan (Gipuzkoa) egindako gazte topaketen filosofiari eta ildoari jarraitu nahi diola jakinarazi du. Hala ikasleek, gazte asanbladek, aisialdi ekintzek, kultur ekimenek, musikariek, independentziaren alde lanean dihardutenek, proiektu "txikitzaileen" aurka lanean dihardutenek, emakumeen borrokek, proiektu komunikatiboek, sexualitate askearen aldeko ekimenek... izango dute tokia atarian, bere arabera. "Euskal Herrian bestelako bizi eta herri eredu baten alde egunero lanean, alternatibak eraikitzen diharduen gazte mugimendu oso bat baitago".

 

#ZIRIKATZEN.INFO

Izena/Gaitzizena

e-posta

Web gunea

Titulua

Iruzkina

txikiago | haundiago

e-mail bidez jaso (erabiltzaileak bakarrik)

Irakurri eta onartu egin dut... Erabiltzeko baldintzak

Idatzi irudian agertzen diren letrak/zenbakiak

iruzkin berria